Bank Loan EMI: गृह आणि कार कर्जदारांसाठी दिलासादायक बातमी
गृहकर्ज आणि कार कर्ज घेतलेल्या ग्राहकांसाठी दिलासादायक बातमी आहे. देशातील मोठी खासगी बँक HDFC बँकेने कर्जाच्या ईएमआयमध्ये घट होईल असा महत्त्वाचा निर्णय घेतला आहे. बँकेने काही निवडक कर्ज कालावधींसाठी एमसीएलआर (MCLR) दरात ५ बेसिस पॉइंटपर्यंत कपात केली आहे.
ही नवीन व्याजदर कपात ७ जानेवारी २०२६ पासून लागू झाली असून, याचा थेट फायदा गृहकर्ज, वाहन कर्ज आणि इतर कर्जधारकांना होणार आहे.
नवीन MCLR दर किती झाले?
बदलानंतर HDFC बँकेचे MCLR दर आता ८.२५ टक्के ते ८.५५ टक्क्यांपर्यंत आहेत.
- ओव्हरनाईट आणि १ महिन्याचा MCLR: ८.३०% वरून ८.२५%
- ३ महिन्यांचा MCLR: ८.३५% वरून ८.३०%
- ६ महिन्यांचा MCLR: ८.४०% (कोणताही बदल नाही)
- १ वर्षाचा MCLR: ८.४५% वरून ८.४०%
- २ आणि ३ वर्षांचा MCLR: अनुक्रमे ८.५०% आणि ८.५५% (जुनेच दर कायम)
MCLR म्हणजे काय?
MCLR म्हणजे बँकेचा कर्ज देण्यासाठी ठरवलेला किमान व्याजदर. यापेक्षा कमी दराने बँक कर्ज देऊ शकत नाही. RBI ने २०१६ साली MCLR प्रणाली लागू केली, जेणेकरून व्याजदरातील बदलांचा फायदा थेट कर्जदारांना मिळू शकेल.
HDFC बँकेचे इतर महत्त्वाचे दर
- HDFC बँकेचा बेस रेट: ८.९०% (१९ सप्टेंबर २०२५ पासून लागू)
- BPLR दर: १७.४०%
- ₹३ कोटींपेक्षा कमी मुदत ठेवींवर
- सामान्य नागरिकांसाठी: २.७५% ते ६.४५%
- ज्येष्ठ नागरिकांसाठी: ३.२५% ते ६.९५%
- १८ महिने ते ३ वर्षांच्या FD वर
- सामान्य नागरिक: ६.४५%
- ज्येष्ठ नागरिक: ६.९५%
हे व्याजदर १७ डिसेंबर २०२५ पासून लागू आहेत.
HDFC बँकेच्या या निर्णयामुळे कर्जदारांची EMI थोडी कमी होणार असून, घर आणि वाहन कर्ज घेणाऱ्यांसाठी ही नक्कीच दिलासादायक बातमी आहे.